Həştərxanda mərhum prezident Heydər Əliyevin abidəsi önünə əklil və gül dəstələri qoyularaq anım mərasimi keçirilib.
Aktual.az AzNews.az-a istinadən xəbər verir ki, tədbirdə Həştərxan vilayətinin Beynəlxalq və Xarici İqtisadi Əlaqələr aziri Denis Afanasyev, Həştərxan şəhər administrasiyasının rəhbərinin müavini Sergey Aqabekov, Həştərxan şəhərinin Sovetskiy rayonunun başçısı Yuriy İvanov, Ümumrusiya Azərbaycanlılar Konqresinin Həştərxan vilayəti bölməsinin sədri Ədalət Hüseynov və diaspora nümayəndələri, Heydər Əliyev adına 11 saylı məktəbin müəllim və şagirdləri və AMOR-un üzvləri iştirak ediblər.
Mərasimdə Heydər Əliyevin həyat və fəaliyyətindən, iki xalq və dövlət arasında dostluq münasibətlərinin möhkəmlənməsi və inkişafında mərhum prezidentin əvəzsiz rolundan danışılıb. Qeyd olunub ki, Həştərxanda keçirilən tədbirlər Azərbaycaın hüdudlarından kənarda da ulu Heydər Əliyevin xatirəsinə hörmət və ehtiramın sübutudur.
