Bakıda yerləşən klinikalardan birindən oğurluq edilib.
Aktual.az qafqazinfo-ya istinadən bildirir ki, klinika rəhbəri oğurluğu orada həkim kimi işləmək üçün müraciət edən şəxsin etdiyini iddia edib. Nəsimi rayonu, Ş.Əzizbəyov küçəsində yerləşən "Üfüq Dent" klinikasının direktoru İsmayıl Qarayev polisə müraciət edərək xəstəxanadan oğurluq edilməsi barədə məlumat verib. O bildirib ki, klinikaya iş üçün gələn Türkiyə vətəndaşı, 1991-ci il təvəllüdlü Xalid Dəmiray oradan "Dexcovin" markalı rentgen aparatını oğurlayıb. Araşdırma aparılır.
