Heydər Əliyev adına Beynəlxalq Hava Limanında dollar satışı limiti artırılıb. 

Aktual.az  xəbər verir ki, bu barədə Fins.az-a hava limanında dollar satışını həyata keçirən “Bank Silk Vey”dən məlumat verilib.

Bankdan bildirilib ki, hava limanındakı filialda dolların satışı üçün limit 3 dəfə artırılaraq 100 dollardan 300 dollara çatdırılıb. Eyni məbləğ avro üçün də keçərlidir. 

Qeyd edək ki, valyuta yalnız xaricə uçanlara satılır - bankın hava limanındakı filiallarından yalnız xaricə uçuş bileti olanlar valyuta ala bilərlər. Daxili uçuşlarla hərəkət edənlərə valyuta satılmır. 

Hazırda “Bank Silk Vey”də, o cümlədən hava limanında da dolların alış qiyməti 1,6370 manat, satış üzrə qiyməti isə 1,7059 manatdır. Avronun alış məzənnəsi 1,8000 manat, satışı isə 1,9195 manat təşkil edir.