Dövlət Komissiyası itkin düşmüş şəxslərlə bağlı vətəndaşlara müraciət etdi

Dövlət Komissiyası itkin düşmüş şəxslərlə bağlı vətəndaşlara müraciət etdi

Əsir və İtkin Düşmüş, Girov Götürülmüş Vətəndaşlarla əlaqədar Dövlət Komissiyası Ermənistan-Azərbaycan, Dağlıq Qarabağ münaqişəsi zamanı itkin düşmüş şəxslərlə bağlı məlumatların dəqiqləşdirilməsi və sistemləşdirilməsi işini davam etdirir.

Aktual.az  xəbər verir ki, bu barədə məlumatı Dövlət Komissiyasının mətbuat xidməti yayıb.

Məlumata əsasən, aidiyyəti dövlət qurumlarının vasitəsilə aparılan araşdırma nəticəsində itkin düşmüş şəxslərin böyük əksəriyyəti haqqında məlumatların dəqiqləşdirilməsinə baxmayaraq, 100-dən çoxunun fotoşəkilinin əldə edilməsi mümkün olmayıb. 

Qeyd olunanları nəzərə alaraq, Dövlət Komissiyası təqdim edilən siyahıdakı itkin düşmüş şəxslərin ailə üzvlərindən, qohumlarından, dostlarından və yaxınlarından (sinif, tələbə, əsgərlik və ya iş yoldaşlarından, qonşularından, həmkəndlilərindən və onları tanıyan digər insanlardan) onların fotoşəkillərinin tapılmasına yardım etmələrini xahiş edir. 

Fotoşəkillər Dövlət Komissyasının İşçi qrupuna (Bakı şəhəri, Parlament prospekti 14), Dövlət Təhlükəsizliyi Xidmətinin yerli struktur bölmələrinə təqdim edilə, eyni zamanda Dövlət Komissiyasının elektron poçt ünvanına: [email protected] göndərilə bilər.

Vətəndaşları bir daha bu məsələ ilə bağlı Əsir və itkin düşmüş, girov götürülmüş vətəndaşlarla əlaqədar Dövlət Komissiyasına yardım etməyə çağırırıq. 

Əlaqə telefonu: (012) 405 85 79; (012) 405 83 82.

Xəbər 296 dəfə oxunub.

YAZARLARIMIZ

SEÇİLMİŞ

SON XƏBƏRLƏR