2017-ci il Azərbaycan idmanı üçün əlamətdar olub. Azərbaycan idmançıları 2017-ci ildə 234 beynəlxalq yarış, o cümlədən dünya və Avropa çempionlarında iştirak ediblər.
 
Bəs 2018-ci ildə Azərbaycan hansısa idman yarışlarına ev sahibliyi edəcəkmi?
 
Gənclər və İdman Nazirliyindən Modern.az-a verilən məlumata görə, 2018-ci ildə Azərbaycanda bəzi yarışların keçirilməsi planlaşdırılır.
 
Belə ki, cüdo və kopoero üzrə dünya çempionatının Bakıda keçirilməsi gözlənilir.  Martın 15-18 tarixlərində gimnastika üzrə dünya kuboku, aprelin 12-15 tarixləri arasında batut gimnastika üzrə Avropa çempionatı, 27-29 aprel tarixlərində isə bədii gimnastika üzrə dünya kuboku keçiriləcək.
 
Həmçinin, 22-23 iyul tarixləri arasında yeniyetmələrin olimpiya oyunlarında idman gimnastikası üzrə təsnifat xarakterli yarışlar keçiriləcək.