"Report" xəbər verir ki, bu barədə "Komitə 1922"yə istinadən "SkyNews" məlumat yayıb.
Parlamentin Mühafizəkarlar fraksiyasında Britaniya baş naziri postuna ilk səsvermə iyunun 13-də keçiriləcək. Ardınca daha bir neçə mərhələ 18, 19 və 20 iyun tarixlərinə təyin olunub. İki finalçının iştirak edəcəyi yekun səsvermə, telekanalın məlumatına görə, bu ayın 22-dən 28-dək keçiriləcək.
Krallığın baş naziri postuna ilkin olaraq 13 nəfər iddia edirdi. Sonradan onlardan ikisi öz namizədliklərini geri götürüb.