Braziliyada koronavirus qurbanlarının sayı 35 min nəfəri ötüb.
"Report” RİA "Novosti”yə istinadən xəbər verir ki, bu barədə yerli Səhiyyə Nazirliyi bildirib.
Nazirliyin məlumatına görə, son sutka ərzində ölkədə daha 1 005 nəfər COVID-19-un qurbanı olub.
Ötən gün ərzində koronavirusa 30 830 yoluxma qeydə alınıb.
Son məlumatlara görə, Braziliyada COVID-19-a ümumilikdə 645 771 yoluxma qeydə alınıb, 35 026 nəfər ölüb.
ABŞ-ın Con Hopkins Universitetinin məlumatına görə, Braziliya dünyada koronavirus qurbanlarının sayına görə ABŞ və Britaniyadan sonra üçüncü yerdə qərarlaşıb. Ölkə həmçinin təhlükəli virusa yoluxma hallarının sayına görə dünyada ABŞ-dan sonra ikincidir.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
Xəbər 274 dəfə oxunub.