"JCM Global" Azərbaycanda dəmiryolu stansiyalarında bilet satışı aparatlarının sayını artırmaq niyyətindədir.
Aktual.az Apa-ya istinadən xəbər verir ki, bu barədə şirkətin rəsmi səhifəsində məlumat yer alıb.
Bildirilir ki, şirkət Azərbaycan üzrə 200-ə yaxın dəmiryolu stansiyasında 1000 ədəd bilet satış aparatı quraşdırmağı planlaşdırır.
Bakı-Xırdalan-Sumqayıt dəmiryolu xətti üzərində yerləşən 2 stansiyada 15 bilet satışı aparatı və 40 turniket quraşdırılıb.
Şirkətin baş meneceri Payam Zade Bakı-Xırdalan-Sumqayıt dəmiryolu marşrutu kimi bir layihədə iştirakdan etməkdən məmnunluğunu bildirib. "Avropa və dünya üzrə nəqliyyatda təhlükəsizlik, etibarlılıq baxımından "iPRO-RC"-dən istifadə olunur", - deyə şirkət rəsmisi qeyd edib.
Qeyd edək ki, "JCM Global" bank, köşk, əyləncə mərkəzləri üçün texnoloji əməliyyat sistemlərini quraşdıran dünyada lider şirkətdir.
Xəbər 418 dəfə oxunub.
