Cari ilin yanvar–iyun aylarında Azərbaycan neftinin ən böyük idxalçıları açıqlanıb.
Aktual.az xəbər verir ki, Azərbaycan Dövlət Gömrük Komitəsinin məlumatları əsasında aparılan hesablamalara görə, 2026-cı ilin yanvar–iyun aylarında Azərbaycan neftinin ən böyük üç idxalçısı sırasında birinci yeri İtaliya (3,495 milyard ABŞ dolları dəyərində 5,915 milyon ton) tutur. Sonrakı yerlərdə Çexiya (497,4 milyon ABŞ dolları dəyərində 705,8 min ton) və Bolqarıstan (253,1 milyon ABŞ dollarından çox dəyərində 358,8 min ton) qərarlaşıb.
Cədvəldə 2026-cı ilin yanvar–iyun aylarında Azərbaycandan ixrac edilən xam neft və neft məhsullarının 10 ən böyük idxalçısı göstərilib.

Ölkə	İdxal həcmi	İdxal dəyəri (ABŞ dolları ilə)
İtaliya	5 915 025.73	3 495 238 670
Çexiya	705 791.25	497 377 570
Bolqarıstan	358 842.99	253 113 500
Rumıniya	461 317.25	247 844 980
Hindistan	320 497.27	247 366 970
Portuqaliya	395 031.62	221 958 010
Almaniya	360 299.00	210 855 820
Tunis	307 167.03	187 605 080
Yunanıstan	284 374.74	182 764 510
Xorvatiya	276 342.95	162 720 430
Digər	740 777.35	524 576 700

Dövlət Gömrük Komitəsinin məlumatına görə, hesabat dövründə Azərbaycandan dünya ölkələrinə 6,231 milyard ABŞ dolları dəyərində bitumlu süxurlardan əldə edilən 10,125 milyon ton xam neft və neft məhsulları ixrac olunub.
Qurumun məlumatına əsasən, bu göstərici 2025-ci ilin eyni dövrü ilə müqayisədə dəyər ifadəsində 178 milyon ABŞ dolları və ya 2,8 faiz, həcm ifadəsində isə 1,921 milyon ton və ya 15,9 faiz azalıb.