"Report” "RİA Novosti”yə istinadən xəbər verir ki, bu barədə jurnalistlərə Avstriya Kansleri Sebastian Kurtz məlumat verib. 
"Səfir, daha doğrusu, müvəqqəti işlər vəkili, çünki səfirin özü hazırda Avstriyada deyil, XİN-ə dəvət olunub. Qalan bütün məsələləri avropalı tərəfdaşlarımızla müzakirə edəcəyik”, - o vurğulayıb.
Eyni zamanda Avstriya Müdafiə Nazirliyi də silahlı qüvvələrin istefada olan polkovnikinə dair yayılan xəbərləri təsdiqləyib.
"Hərbi Əks-Kəşfiyyat İdarəmiz beynəlxalq əməkdaşlıq çərçivəsində bu hadisəni ifşa edib. Belə ki, Avstriya ordusunun istefada olan polkovniki 1990-cu illərdən etibarən xəfiyyəliklə məşğul olaraq Rusiyaya məlumatlar ötürürmüş. Ona qarşı iş başlanılıb”, - Nazirliyin nümayəndəsi Mixayel Bauer "Twitter”də yazıb. 
Xatırladaq ki, ötən gün Avstriya Hərbi Əks-Kəşfiyyat Xidməti 20 ildir Rusiyaya strateji məlumatlar ötürən 70 yaşlı istefada olan polkovniki saxlayıb. Hətta xəfiyyə qalmaqalına görə Avstriya xaric işlər naziri Karin Kneisl Rusiyaya səfərini təxirə salıb.