Aprel döyüşlərində 320 erməni öldürülüb - 500-dən artıq yaralı

Aprel döyüşlərində 320 erməni öldürülüb   - 500-dən artıq yaralı

“Ermənistan dövlət sərhəddində və təmas xəttində Azərbaycanın mövqelərini atəşə tutur. 2016-cı ilin mart ayının ortalarından başlayaraq, ermənilər atəşkəsi intensiv pozmağa başladılar. Bu zaman onlar mülkü əhalini də atəşkəsi tuturdular. Aprelin əvvəlində də analoji hal baş verdi. Azərbaycan ordusu da bu istiqamətdə ermənilərin mövqelərinə cavab zərbələri endirdi”.

Aktual.az Report-a istinadən xəbər verir ki, bunu Azərbaycan Müdafiə Nazirliyinin mətbuat xidmətinin rəhbəri Vaqif Dərgahlı Milli Məclisdə keçirilən “Təmas xəttində son hadisələr: beynəlxalq humanitar hüququn problemləri” adlı dinləmələrdə deyib.

V.Dərgahlının sözlərinə görə, həmin döyüşlərdə ermənilərdən azad edilən yüksəkliklər müdafiə olunur, orada lazımi şərait yaradılıb: “Azərbaycan ordusunda döyüş ruhu yüksəkdir. Bu döyüşlərdə 320 erməni hərbçisi məhv edilib, 500-dən artığı isə yaralanıb”.

Xəbər 467 dəfə oxunub.

YAZARLARIMIZ

SEÇİLMİŞ

SON XƏBƏRLƏR