ANS telekanalının daha bir verilişi yayımını dayandırıb.
Aktual.az-ın Lent.az-a istinadən məlumatına görə, telekanalın sosial gündəmi əhatə edən “Xəbərsizsiniz” proqramı bu gündən efirə getməyəcək.

Xatırladaq ki, “Xəbərsizsiniz” verilişi aparıcı Murad Əzimzadənin təqdimatında, həftənin cümə günləri saat 14:00-da yayımlanırdı. Proqramın ilk efir günü 2014-ci il sentyabrın 19-u olmuşdu. 1 il 4 ay yayımlanan verilişə nazirlik nümayəndələri, millət vəkilləri də dəvət edilirdi.

Qeyd edək ki, ANS telekanalından verilən məlumata görə, “Şoubiz”, “İç Xəbər”, “İtibucaq” və “Düzbucaq” verilişləri də yayımını dayandırıb.