İnsanlar mənzil başına vaxtında çata bilmir, sosial şəbəkələrdə müvafiq qurumların lazımi tdbirləri almadıqları qeyd edilir. 

Qarlı hava şəraiti ilə əlaqədar müvafiq qurumun aldığı tədbirlərlə bağlı "Azəravtoyol" ASC-nin mətbuat katibi Anar Nəcəfli Ölkə.Az-a bildirib ki, yollarda heç bir problem yoxdur və yaranan problemlərin səbəbi sürücülərin xəbərdarlıqlara məhəl qoymamalarından irəli gəlir:

"Hava şəraiti ilə əlaqələr olaraq qabaqlayıcı tədbirlər görülür, texnikalarımız ərazidə işləyir. Yollarda heç bir problem yoxdur. Problem sürücülərdədir. Necə olur ki, 10 maşından 7-8-i normal hərəkət edir, ancaq 1-2 maşın sürüşə-sürüşə qalır? Çünki sürücülər edilən xəbərdarlıqlara məhəl qoymurlar, təkərləri, şinləri dəyişmirlər.

Heç bir yolda problem yoxdur. Sürücülər problemlər yaradırlar, nəticədə isə sıxlıq, tıxac yaranır".