Şəki Mərkəzi Rayon Xəstəxanasından APA-nın Şəki-Zaqatala bürosuna verilən məlumata görə, rayonun Çələbixan qəsəbə sakini, 1977-ci il təvəllüdlü Zeynəb Əliabbas qızı Məmmədova ayağından ilan sancması xəsarəti ilə xəstəxanaya daxil olub.

Reanimasiya şöbəsinə yerləşdirilən Zeynəb Məmmədova lazımi tibbi yardım göstərilib, ilan zəhəri əleyhinə zərdab vurulub. Onun vəziyyətinin orta-ağır olduğu bildirilir.