Prezident İlham Əliyev bu gün Rumıniyanın, Qətərin və İran İslam Respublikasının Azərbaycanda yeni təyin olunan səfirlərinin etimadnamələrini qəbul edib.

Aktual.az  xəbər verir ki, Prezident İlham Əliyev oktyabrın 5-də Rumıniyanın ölkəmizdə yeni təyin olunan fövqəladə və səlahiyyətli səfiri Dan Yankunun, Qətər Dövlətinin ölkəmizdə yeni təyin olunan fövqəladə və səlahiyyətli səfiri Yusif bin Həsən əl-Sainin və İran İslam Respublikasının ölkəmizdə yeni təyin olunan fövqəladə və səlahiyyətli səfiri Cavad Cahangirzadənin etimadnaməsini qəbul edib.