Aktual.az  qafqazinfo-ya istinadən xəbər verir ki, yayılan məlumatlara görə, məcburi köçkünlər üçün tətbiq edilən elektrik, qaz və su güzəşt limiti bu gündən ləğv olunub. Bundan sonra həmin limitlərin pul ekvivalenti şəklində köçkünlərə ödəniləcəyi bildirilir.

Sözügedən sayt məlumatı dəqiqləşdirmək üçün Qaçqın və Məcburi Köçkünlərlə İş üzrə Dövlət Komitəsinin mətbuat xidmətinin rəhbəri Elçin Qədimovla əlaqə saxlayıb. O bildirib ki, yayılan məlumatlar doğru deyil: "Yazılıb ki, Əli Həsənov qərara imza atıb. Komitə sədri bununla bağlı qərara imza atmayıb. Hazırda limitin ləğvi ilə bağlı qərar yoxdur".