Dekabrın 4-də “Günəşli” yatağındakı 10-cu dərin dəniz özülündə baş vermiş yanğının söndürülməsi istiqamətində işlər davam edir.
Aktual.az xəbər verir ki, yataqdakı son vəziyyətlə bağlı yayılan videoda yanğının hələ də davam etdiyi müşahidə olunur.
Qeyd edək ki, rəsmi məlumata görə, hadisə baş verən zaman platformada 63 nəfər olub. Onlardan 1-i dünyasını dəyişib, 33 nəfər təxliyyə olunub. 29 nəfərin taleyi isə hələlik naməlumdur. Onlar itkin düşmüş elan edilib. Ötən gün başlayan axtarış-xilasetmə əməliyyatları bu gün səhərdən dalğıcların cəlb olunması ilə davam etdirilir.
Bu gün səhər saatlarında hadisə yerindən çəkilən videonu təqdim edirik:
