Mütəxəssislər fotoaparatlarda, telefonlarda, noutbuklarda istifadə edilən standart akkumulyatorların yanğın təhlükəli olduğu qənaətinə gəliblər. Bununla əlaqədar bu akkumulyatorlar üçün yanğına davamlı bağlama hazırlanana qədər onların daşınmasına qadağa qoyulub.
Aktual.az Milli.Az-a istinadən xəbər verir ki, Beynəlxalq Mülki Aviasiya Təşkilatı (ICAO - International Civil Aviation Organization) sərnişin hava gəmilərinin baqajında litium-ion akkumulyatorların daşınmasını qadağan edib.
Qadağanın tətbiqi fotoaparatlarda, smartfonlarda və digər elektronika avadanlıqlarında istifadə edilən bu cür akkumlyatorların yanğın təhlükəli olması ilə bağlı olması ilə əlaqələndirilir. Qərar 2016-cı il aprelin 1-dən qüvvəyə minəcəyi və bu "təhlükəli yük" üçün yeni yanğınadavamlı örtüyün hazırlanacağına qədər qüvvədə olacaq.
Qeyd edək ki, qadağa İCAO-nun 191 üzv ölkələrinin hamısı, o cümlədən Azərbaycan üçün məcburi olacaq.
Xatırladaq ki, analoji qadağa vaxtilə yenidən doldurula bilməyən litium-metal akkumulyatorlar üçün də tətbiq edilib.