Ötən gecə ermıni kəşfiyyatçılarının Qazax rayonu istiqamətində təxribat hücumunu dəf edərkən həlak olan əsgər Hacıyev Qəfərəli İntiqam oğlu bu gün torpağa tapşırılıb.
Aktual.az xəbər verir ki, şəhid Yevlaxda, doğulduğu Qaraoğlan kəndində dəfn edilib.
Xatırladaq ki, martın 27-də Ermənistan silahlı qüvvələrinin bölmələri Qazax rayonu ərazisində dövlət sərhədini pozaraq ərazimizə soxulmağa cəhd göstərib. Bu istiqamətdə yerləşən bölmələrimizin sayıqlığı nəticəsində düşmənin hərəkəti qabaqcadan aşkar edilib və qarşısının alınması məqsədilə müvafiq tədbirlər həyata keçirilib. İtkilərə məruz qalan işğalçılar geri çəkilməyə məcbur edilib.
Düşmənlə baş verən döyüş toqquşmasında Silahlı Qüvvələrimizin zabiti leytenant Zülfüqarlı Qalib Laim oğlu və əsgər Hacıyev Qəfərəli İntiqam oğlu həlak olub.
