Tovuz rayonunda bıçaqlanma hadisəsi olub.

Aktual.az Apa-ya istinadən xəbər verir ki, Tovuz şəhər sakini, 1973-cü il təvəllüdlü İlqar Tağıyev qarının və döş qəfəsinin kəsilmiş yarası xəsarəti ilə Tovuz Mərkəzi Rayon Xəstəxanasına yerləşdirilib. Ona dərhal tibbi yardım göstərilib. Vəziyyətinin normal olduğu bildirilir. İlkin məlumata görə, İ. Tağıyev tanışı tərəfindən mübahisə zəmində bıçaqlanıb.

Faktla bağlı Tovuz rayon Polis Şöbəsində araşdırma aparılır.