Qafqaz Müsəlmanları İdarəsi (QMİ) “Şəhidlər” məscidinin təmirdən sonra istifadəyə verilməsi ilə bağlı yayılan xəbərlərə münasibət bildirib.

Aktual.az Apa-ya istinadən xəbər verir ki, QMİ-nin mətbuat xidmətindən bildirilib ki, məsciddə təmir işləri davam edir, ibadət edi hələlik kütləvi tədbirlər, kütləvi ibadət üçün açıq deyil.

"Məscidə axund və imam da bu səbəbdən hələlik təyin olunmayıb. Təmir işləri başa çatıb, məscid kütləvi ibadətə açılandan sonra axund və imam təyinatı da olacaq. Bununla belə, kim istəsə, fərdi şəkildə məscidə gedə və ibadət edə bilər”, - deyə mətbuat xidmətindən bildirilib.

Qeyd edək ki, bəzi mətbuat orqanlarında “Şəhidlər” məscidinin artıq istifadəyə verildiyi, axund və imam təyinatının olması barədə xəbərlər yayılıb.