Ölkə.Az Rusiya KİV-lərinə istinadən xəbər verir ki, Rostov vlayərində "Qafqaz ovçarkası" 2015-ci ildə anadan olmuş qızı parçalayıb.

İstintaq materiallarına əsasən, avqustun 26-da Rostov vilayətinin Dubovski rayonunda ev sahibinin nəzarətsiz buraxdığı it zəncirini qopararaq həyətdəki uşağa cumub. Bir yaşlı qızcığaz hadisə yerində ölüb. Onun anası ilə Dubovskiyə qonaq gəldiyi bildirilir.

İtin sahibi olan 56 yaşlı qadına qarşı cinayət işi açılıb. O, RF Cinayət Məcəlləsinin 109-cu maddəsi üzrə (ehtiyatsızlıq üzündən ölümə səbəb olma) maddəsi ilə ittiham olunur.