Ölkə.Az "Anadolu" agentliyinə istinadən xəbər verir ki, Mosulun azad edilməsi uğrunda əməliyyatlar çərçivəsində daha bir şəhər İŞİD terrorçularının işğalından azad edilib.
"İki günlük intensiv döyüşlər nəticəsində Əl-Qəyyar şəhəri terrorçulardan təmizlənib, şəhərdəki hökumət binaları üzərində İraq bayrağı ucaldılıb",- deyə iraq ordusunun polkovniki Emin Şeyxani agentliyə bildirib.
Onun sözlərinə görə, təhlükəsizlik qüvvələri şəhərin bütün giriş və çıxışlarını nəzarət altına aldıqları üçün terrorçular şəhərdən çıxa bilməyiblər. Onların hamisi Əl-Qəyyar şəhəri ərazisində məhv edilib.
İraq ordusu Əl-Qəyyar şəhərinə bir gün əvvəl hücuma keçib və şəhəri mühasirəyə alıb. Əl-Qəyyar Mosul şəhərindən 60 km. cənubda yerləşir.
Xatırladaq ki, İraq Müdafiə Nazirliyi iyunun 12-də Mosulun terrorçulardan azad edilməsi uğrunda əməliyyatların ikinci mərhələsinin başlandığını elan etmişdi.
