Aktual.az Trend-ə istinadən xəbər verir ki, bunu jurnalistlərə Ədliyyə nazirinin müavini Azər Cəfərov deyib.
Nazir müavini qeyd edib ki, ölkədə yeni məhkəmə binaları inşa edilib: "Bu cür işlər hakimləri daha da məsuliyyətli edir".
A.Cəfərov vurğulayıb ki, hakimlə ictimaiyyətin ünsiyyəti yalnız məhkəmə zalında baş verir: "Bu da onunla əlaqədardır ki, hər hansı qeyri-prosessual hadisə baş verməsin. Hakim korpusunun sağlamlaşdırılması ilə bağlı xeyli işlər görülüb. Yəqin ki, məlumatınız var, xeyli hakim cəzalandırılıb, sistemdən uzaqlaşdırılıb. Azərbaycanda məhkəmə sistemi ilə bağlı ən mütərrəqi qaydalar tətbiq olunur. Artıq hakimlərin 60-70 faizi yeni qaydalarla seçilənlərdir".