Azərbaycana idxal olunan yağ məhsullarının qiymətləri ilə əlaqədar Dövlət Gömrük Komitəsi (DGK) tərəfindən xarici ticarətin statistikasına və mal nomenklaturasına uyğun olaraq, 9 ay ərzində ümumiləşdirilərək, yağ məhsullarının bütün çeşidlərinin, eləcə də, idxal olunan ölkələr (Almaniya, Yeni Zelandiya və daha yaxın məsafədə yerləşən qonşu ölkələr - Rusiya, Ukrayna, Belarus və s.) nəzərə alınaraq, orta statistik qiyməti və digər məlumatlar verilib.
Aktual.az komitənin mətbuat xidmətinə istinadən xəbər verir ki, əlavə olaraq, daha detallaşdırılmış yağ məhsulları çeşidləri daxilində kərə yağına gəldikdə, bu məhsulun cari ilin sentyabr ayı üçün orta statistik qiyməti 5,20 ABŞ dolları təşkil edib.
Nəzərə almaq lazımdır ki, idxal əməliyyatları zamanı gömrük dəyəri gömrük orqanlarına təqdim edilən xarici ticarət müqavilələrində müəyyən olunan satış qiymətləri, göndərmə şərtləri əsasında formalaşır və müvafiq gömrük ödənişləri hesablanır. Gömrük ödənişləri ödənildikdən sonra məhsul sərbəst dövriyyəyə buraxılır.
Aktual.az
Xəbər 239 dəfə oxunub.
