Bakı-Yessentuki-Kislovodsk reysinə bilet satışı başlayıb

Bakı-Yessentuki-Kislovodsk reysinə bilet satışı başlayıb

Bu gündən etibarən Bakı- Yessentuki-Kislovodsk reysinə bilet satışına start verilib.

Bu barədə Bakı Beynəlxalq Avtovağzal Kompleksinin mətbuat xidmətindənModern.az-a verilən məlumatda bildirilib.
Qeyd olunub ki, sərnişinlər biletləri Bakı Beynəlxalq Avtovağzal Kompleksinin kassalarından və ya onlayn qaydada əldə edə bilərlər. Qeyd edək ki, 13 sentyabrdan etibarən hər həftənin 4-ci günü Bakı vaxtı ilə saat 17:00-da Bakı Beynəlxalq Avtovağzal Kompleksindən (BBAK) Bakı-Yessentuki-Kislovodsk avtobus reysi həyata keçiriləcək. Avtobusun Kislovodsk şəhərinə çatma vaxtı növbəti gün saat 9:00-dır. Avtobusun Kislovodskdan geriyə yola düşmə vaxtı bazar günü saat 12:00, Yessentukidən yola düşmə vaxtı isə 13:00-dır. Biletin bir istiqamətə qiyməti 70.00 AZN təşkil edir. Bakı Beynəlxalq Avtovağzal Kompleksindən hərəkət etməyən beynəlxalq istiqamətlərə sərnişin daşıyan avtobuslara görə BBAK məsuliyyət daşımır. 5 yaşınadək uşaqlar üçün gediş haqqı (oturacaq verilməmək şərti ilə) pulsuzdur. 5 yaşından on yaşınadək uşaqlar üçün isə biletin qiymətinin 50%-i ödənilir. Sərnişinlərin istəyinə uyğun olaraq, beş yaşınadək uşaqlar üçün də bileti yarı qiymətinə əldə etmək mümkündür. Sərnişinlərimizin rahatlığı üçün müasir standartlara cavab verən geniş salonlu və rahat oturacaqlı avtobuslar fəaliyyət göstərəcək. Eyni zamanda sərnişinlərin yol boyu çay və kofe ilə təmin olunması nəzərdə tutulub. Qeyd edək ki, sərnişin sıxlığı çox olarsa, əlavə reys açıla bilər.
 
Aktual.az
Xəbər 246 dəfə oxunub.

YAZARLARIMIZ

SEÇİLMİŞ

SON XƏBƏRLƏR