Milli.Az Haberler-ə istinadən xəbər verir ki, öldürülən pizza kuryeri Salahuddin Jitmoudun atası məhkəmə zalında qatili bağışladığını qeyd edib.
Qeyd edək ki, Jitmoud gecə son sifarişi apararkən qətlə yetirilmişdi. Gəncin ölümündə təqsirləndirilən Trey Relford isə məqsədinin, sadəcə, soyğun etmək olduğunu söyləsə də, 31 il həbs cəzasından xilas ola bilməyib.
Çərşənbə axşamı günü məhkəmə prosesində ölən 22 yaşlı pizzaçının atası Sombat Jitmoud azadlıqdan məhrum edilən oğlunun qatilini qucaqlayaraq bağışladığını bildirib.
Gözyaşları içərisindəki ata "Səni yox, səni yönləndirən və belə qorxunc bir günah törətməyinə səbəb olan şeytanı günahlandırıram, sənə acıqlı deyiləm, səni bağışlayıram. Başına gələn hər şey Allahdan gəlir, ona inan və özünü onun ədalətinə burax" deyərək Relfordu qucaqlayıb.

Məhkəmədə yaşanan duyğusal anlar sonrası hakim prosesdə qısa fasilə elan edib. Cinayətdə təqsirləndirilən şəxs və anası bu sözlərdən sonra ölən gəncin atasından üzr istəyiblər.