Xəbər verdiyimiz kimi, hakim Yeni Azərbaycan Partiyası 1 sentyabrda keçiriləcək parlament seçkilərinə namizədlərinin tam siyahısını açıqlayıb.
Aktual.az xəbər verir ki. YAP-ın 125 nəfərli siyahısında cəmi 33 xanım namizəd var.
Xanım namizədlərin əksəriyyəti ən çətin dairələrdə mübarizə aparacaq. Məsələn, 26 saylı dairədə Fazil Mustafa ilə Afaq Hacıyeva, 36 saylı dairədə Qüdrət Həsənquliyevlə Nərminə Hacıyeva, 73 saylı dairədə sabiq vitse-spiker Fəzail İbrahimli ilə Aytən Əliyeva və s. deputat yarışına qatılacaq. Bu isə YAP siyahısında olan xanım namizədlərin parlamentdə geniş təmsil olunma ehtimalını bir qədər də azaldır. Başqa sözlə desək, YAP-ın xanım deputatlarının sayı daha az olacaq.