Qafqaz Müsəlmanları İdarəsinin rəhbəri Allahşükür Paşazadə Türkiyədə dini liderlərin toplantısına qatılmaq üçün Ankaraya səfər edib.
AzNews.az Türkiyə KİV-lərinə istinadən xəbər verir ki, səfər çərçivəsində A. Paşazadə Türkiyə Böyük Millət Məclisinin spikeri İsmayıl Qəhramanla görüşüb.
Görüşdə 15 iyul hərbi çevriliş cəhdi ilə bağlı müzakirələr aparılıb.
Şeyxülislam Azərbaycan xalqının bu hadisələrə görə türk xalqı ilə eyni üzüntüləri yaşadığını vurğulayıb.
Daha sonra isə o, Azərbaycan xalqı adından 15 iyul gecəsi şəhid olanların ailələrinə yardım üçün göndərilən 100 min dollarlıq simvolik çeki spikerə təqdim edib.