"Azərbaycanda "donuz qripi" (A/H1 N1-red.) ilə bağlı hər hansı şübhəli hal qeydə alınmayıb. Epidemioloji durum daim nəzarət altındadır".

Aktual.az APA-ya istinadən xəbər verir ki, bu barədə Səhiyyə Nazirliyinin mətbuat xidmətindən məlumat verilib.

Bildirilib ki, "donuz qripi" təhlükəsinə görə Səhiyyə Nazirliyinin aidiyyəti qurumlarına hər hansı bir müraciət daxil olmayıb.

Qeyd olunub ki, Dövlət Gömrük Komitəsinin tabeliyində olan sanitar-karantin şöbələrində ölkəyə daxil olan əcnəbilərin, habelə Azərbaycan vətəndaşlarının üzərində daimi nəzarət həyata keçirilir.

Qeyd edək ki, İranda "donuz qripi" epidemiyası nəticəsində 33 nəfər ölüb.