Rusiyanın Federal Təhlükəsizlik Xidməti (FTX) paytaxt Moskvada silsilə terror aktları törətmək istəyən şəxsləri saxlayıb.
Aktual.az azvision.az-a istinadən xəbər verir ki, FTX-nın yaydığı məlumatda terror aktların arxasında İŞİD-in Türkiyədə gizlənən elçisinin durduğu bildirilir.
Diversiya-təxribat qrupu bir Rusiya və bir neçə Tacikistan vətəndaşından ibarət olub.
Partlayıcı qurğulardan biri Moskvanın cənub-qərbindəki yaşayış binalarından birində zərərləşdirilib.
Xüsusi əməliyyat Nametkina küçəsindəki 18 mərtəbəli evdə keçirilib.
"Partlayıcı qurğu evin 10-cu mərtəbəsindəki mənzillərin birində aşkarlanaraq zərərləşdirilib. 19-u uşaq olmaqla, 145 sakin təxliyə edilib", - deyə məlumatda bildirilir.
Aktual.az
Xəbər 331 dəfə oxunub.