Bir müddət əvvəl sosial şəbəkələrdə çeçen əsilli kriminal aləm üzvünün "Lotu Quli” ləqəbli Nadir Səlifovu təhqir etdiyi görüntülər yayılmışdı.

Lent.az-ın Crimetime.ru-ya istinadən məlumatına görə, həmin şəxslə bağlı yeni görüntülər ortaya çıxıb.

Görüntülərdə həmin şəxsin maşında güllələndiyi açıq-aydın görünür. Morqda çəkilən videoda isə bədəninin bütün hissələrinin güllə izindən deşik-deşik olduğu görünür.

Qeyd edək ki, həmin şəxs videoda "Quli”ni təhqir edərək, onu yaxın zamanlarda öldürəcəyi ilə hədələmişdi.

Bildirilir ki, öldürülən şəxs çeçen əsilli kriminal avtoritet, Şeyx Həmzət ləqəbli Həmzət Qastəmirovun adamıdır. Şeyx Həmzət də  öldürülən azərbaycanlı qanunu oğru Rövşən Lənkəranskinin ən yaxın dostlarından biri olub. Hətta Rövşən Lənkəranskinin il mərasimində iştirak edərək, onun qisasını almağa söz verib.