İstilik xidmətinin qiyməti qalxır

İstilik xidmətinin qiyməti qalxır

Azərbaycanın istilik enerjisi ilə təchizat üçün milli operatoru - "Azəristiliktəchizat" ASC tariflərin artırılması üçün yenidən hökumətə müraciət edəcək.
Bu barədə qurumun Abunəçilərə xidmət şöbəsinin müdiri Rafiq Əliyev məlumat verib. Onun sözlərinə görə, mövcud istilik enerjisi tarifləri "Azəristiliktəchizat"a nəinki mənfəətlə işləməyə, heç xərclərini belə ödəməyə imkan vermir: "Biz suyun 1 kubmetrini 1 manata alıb qaynadırıq və 40 qəpiyə əhaliyə satırıq. Buna görə də tariflərin artırılması üçün hökumətə təkrar müraciət etmək niyyətindəyik".

Azərbaycanda istilik enerjisi tariflərinin aşağı olması fikrini bir qədər əvvəl maliyyə naziri Samir Şərifov da səsləndirib. Nazir deyib ki, "Azəristiliktəchizat" üçün müəyyən edilmiş tariflər hətta içməli su və kanalizasiya xidmətləri operatoru olan "Azərsu"nun tariflərindən aşağıdır, bu isə qurumun iqtisadi vəziyyətinin yaxşılaşmasına imkan vermir.

Xəbər 409 dəfə oxunub.

YAZARLARIMIZ

SEÇİLMİŞ

SON XƏBƏRLƏR