İdman TV-dən “Qarabağ”ın oyunu ilə bağlı yeni açıqlama

İdman TV-dən “Qarabağ”ın oyunu ilə bağlı yeni açıqlama
  • İDMAN

Yayımla bağlı ortaya çıxan problemdə İdman TV qədər "Qarabağ” klubu da məsuliyyət daşıyır.
Aktual.az xəbər verir ki, bu barədə İdman TV UEFA Avropa Liqasının pley-off mərhələsində "Qarabağ”ın Sloveniya klubu "Olimpiya” ilə keçirdiyi səfər oyunu zamanı yayımda yaranmış problemlə bağlı bəyanatda bildirib.
Telekanal rəhbərliyi məsələ ilə bağlı yaxın müddətdə Azərbaycan çempionunun rəsmiləri ilə görüş keçirməyi planlaşdırır:
"Olimpiya” - "Qarabağ” görüşünün İdman TV vasitəsilə göstərilməməsindən narahatlığınızı və iradlarınızı başa düşür, üzr istəyirik. "Qarabağ” klubundan fərqli olaraq, biz yaranmış problemin əsl mahiyyətini araşdırmadan kimisə ittiham etmək istəmirik. Odur ki, ən yaxın zamanda klub rəhbərləri ilə AzTV rəhbərliyi arasında görüş keçiriləcək”.
Qeyd edək ki, "Qarabağ”ın 2:0 hesabı ilə qalib gəldiyi qarşılaşma yalnız 69-cu dəqiqədən sonra yayımlanıb.
Xəbər 323 dəfə oxunub.

YAZARLARIMIZ

SEÇİLMİŞ

SON XƏBƏRLƏR