Dövriyyədə olan manat kütləsi bir ildə 29,87% azalıb.

2016-cı ilin martın 1-nə Azərbaycanda dövriyyədə olan manat kütləsinin həcmi 6 milyard 388,5 milyon manat olub.

Aktual.az Oxu.Az-a istinadən xəbər verir ki, bu barədə Azərbaycan Mərkəzi Bankının (AMB) fevral ayının yekunları ilə bağlı hesabatında əks olunub.

Bu yanvar ayının yekunları ilə müqayisədə, 601,1 milyon manat və ya 10,38% çoxdur. Manat kütləsi ötən ilin müvafiq dövrü ilə müqayisədə 2 milyard 721,4 milyon manat və ya 29,87% azalıb.

Ekspertlər isə hesab edir ki, ölkədə dollara tələbatın artması məhz bu amil ilə bağlıdır.