Vətəndaşların qeydiyyatı dekabrın 17-də baş tutacaq.

Vətəndaşların qəbulu və müraciətlərinə baxılması, mövcud nəqliyyat problemlərinin araşdırılması və həll edilməsi məqsədi ilə Nəqliyyat Naziri Ziya Məmmədov dekabrın 18-də Xızı şəhərində Abşeron, Siyəzən və Xızı rayonlarında yaşayan vətəndaşları qəbul edəcək.

Aktual.az Nəqliyyat Nazirliyinin məlumatına istinadla xəbər verir ki, vətəndaşların qeydiyyatı dekabrın 17-də saat 09:00-dan 18:00-dək müvafiq olaraq aşağıdakı ünvanlarda aparılacaq:

- Xızı 3 saylı Yol İstismarı İdarəsi (Xızı rayonu, Yeni Yaşma stansiyası)

- Siyəzən “4 saylı Yol İstismarı İdarəsi” (Siyəzən şəhəri, H.Əliyev küçəsi-153)

- Abşeron “4 saylı İxtisaslaşdırılmış Müəssisə” MMC (Xırdalan şəhəri, Heydər Əliyev prospekti-25)