Üçtərəfli bəyannamənin 9-cu bəndində Ermənistan Respublikasının öz ərazisindən malların, nəqliyyat vasitələrinin və insanların keçidini təşkil etməsi və onların təhlükəsizliyinə təminat verməsi nəzərdə tutulur. Bu, bəyanatda çox sadə şəkildə yazılıb. Aydındır ki, Ermənistan Respublikası bunu öz yurisdiksiyası və suverenliyi çərçivəsində etməlidir. Rusiya FSB-nin Sərhəd Xidmətinin bu yolda fiziki mövcudluğu üçtərəfli bəyanatın 9-cu bəndində nəzərdə tutulmur.
Aktual.az xəbər verir ki, bu sözləri erməni mediasına açıqlamasında Ermənistan XİN-in sözçüsü Ani Badalyan deyib.
O bildirib ki, Ermənistan "Sülh qovşağı” layihəsində üzərinə götürdüyü öhdəliklərin yerinə yetirilməsi üçün yol xəritəsini dəqiq ifadə edib, onun çərçivəsində Azərbaycan tərəfinə təkliflər göndərmişik:
"Üçtərəfli bəyannamədə faktiki olaraq nəzərdə tutulan regionun bütün nəqliyyat və iqtisadi infrastrukturlarının blokdan çıxarılmasında maraqlı olmaqla, biz Azərbaycana təklif vermişik və blokun açılması prosesinə bir gün əvvəl başlamağı təklif edirik”.
Qeyd edək ki, Ermənistan baş naziri Nikol Paşinyan Zəngəzur dəhlizində rus sərhədçilərin monitorinq aparmasına etiraz etmədiklərini bildirib.