ABŞ prezidentliyinə namizəd Donald Trampın seçkidə qələbəsi Rusiya lideri Putinin Ukraynada möhkəmlənməsinə səbəb ola bilər.
Aktual.az xəbər verir ki, bu barədə "Blumberq" məlumat yayıb.
Nəşr qeyd edir ki, ABŞ seçkiləri Ukrayna üçün dönüş nöqtəsidir:
"Kiyev və Avropa rəsmiləri Trampın qələbəsinin Ukrayna üçün ağır şərtlərə səbəb olacağından narahatdırlar. Prezident Zelenski mübarizəni davam etdirəcəyinə söz versə də, sərt reallıq ondan ibarətdir ki, onun tükənmiş ordusu ABŞ-ın köməyindən çox asılıdır. Əgər vəzifəyə başlamazdan əvvəl münaqişəni həll etmək istədiyini deyən Tramp seçilərsə və dəstəyini geri götürməklə bağlı hədələrinə əməl edərsə, Ukraynanın seçimləri kəskin şəkildə daralacaq".