Zaqatala rayonunda yol-nəqliyyat hadisəsi baş verib.

Aktual.az Daxili İşlər Nazirliyinin saytına istinadən xəbər verir ki, Zaqatala rayonunun Danaçı kəndində rayon sakini İlham Qaralov idarə etdiyi "Volkswagen" markalı avtomobili yolun kənarındakı ağaca vurub.

Nəticədə onun sərnişinləri, həmkəndliləri Pirdaz Meselova və Rəsmiyə Qaralova müxtəlif bədən xəsarətləri alıblar. Sərnişinlər xəstəxanaya yerləşdirilsələr də, R.Qaralova həyatını itirib.

Digər yol-nəqliyyat hadisəsi isə Nərimanov rayonunda qeydə alınıb. Rayonun Atatürk prospektində Salyan rayon sakini Nurəddin Süleymanov idarə etdiyi "Daewoo" markalı avtobusla yolu keçən Bərdə rayon sakini Həmayıl Nəbiyevanı vurub. Piyada hadisə yerində ölüb. Hər iki faktla bağlı araşdırma aparılır.