Xüsusi müxbirimiz xəbər verir ki, polis alayının binası qarşısında silahlıları dəstəkləyən 30-dək etirazçı saxlanılıb.
Onların arasında uşaqlar, qadınlar, qocalar və "Asparez" qəzetinin redaktoru Levan Barseqyan da var. Bundan başqa, qiyamçılardan Aram Akobyan da güc strukturlarının əlinə keçib.
Polislər Ermənistan prezidenti Serj Sarkisyanın istefası tələbinin əks olunduğu plakatları cırıblar.
Xatırladaq ki,ötən gecə atışma nəticəsində silahlı qrupun 4 üzvünün yaralandığı və iki üzvünün polisə təslim olduğu bildirilib.
* * *02:32
Hökumət qüvvələri qiyamçı Qaqik Yeqiazaryanı girov götürüblər.
Yerevanda qiyamçıları dəstəkləmək üçün küçələrə çıxmış mülki şəxslərin həbsi başlayıb.
Polis səddi yaxınlığında isə 3 müxalifət fəalı saxlanılıb.
* * *02:12
Ermənistan xüsusi təyinatlıları 10 gündür post-patrul alayını ələ keçirmiş qiyamçılara qarşı hücuma başlayıb.
Xüsusi müxbirimiz bildirir ki, hücum nəticəsində qiyamçıların liderlərindən biri Pavlik Manukyan, onun oğlu Aram Manukyan, daha bir qiyamçı və üç polis yaralanıb.
Döyüşlər gedir...
* * *02:00
Veteranlar Birliyi də mitinq iştirakçılarına qoşulub. Bu barədə bu gün mitinqə gələn polkovnik Razmik Petrosyan bəyan edib. Razmik Petrosyan Serj Sarkisyan rejiminə qarşı barışmaz mövqeyi ilə tanınır.
* * *01:52
Virtualaz.org-un xüsusi müxbiri Vahan Martirosyanın verdiyi məlumata görə, Ermənistan Polisinin qiyamçıların nizamsız şəkildə ətrafa atəş açmaları barədə açıqlaması həqiqəti əks etdirmir. Onun yazdığına görə, bu, sadəcə qiyamçıların onları dəstəkləyən mitinq iştirakçılarını salamlamalarının bir formasıdır və bu üsuldan dəfələrlə əvvəllər də istifadə olunub.
Bundan başqa, polis bəyan etmişdi ki, silah saxladıqlarına görə 3 nəfəri həbs edib. Amma onlardan heç bir silah tapılmayıb. İnsident axşam saat 20-də baş versə də, əhali bu barədə yalnız 3 saat sonra tribunaya çıxan "Asparez" qəzetinin redaktoru Levon Baresgyanın çıxışından xəbər tutub.
Müxbirimiz onu da bildirir ki, mülki geyimli insanlar mitinq keçirilən meydanın yaxınlığında fəalları həbs edir, onları nömrəsi olmayan maşınlara basaraq naməlum istiqamətə aparırlar.
* * *01:07
Ermənistanda post-patrul xidmətinin binasını ələ keçirən silahlılar ətrafa nizamsız atəş açırlar.
Virtualaz.org bildirir ki, bunu Ermənistan Polisinin mətbuat katibi Aşot Aqaronyan RİA-ya açıqlamasında deyib. Onun sözlərinə görə, silahlıların atəşi hazırda da davam edir: “Onlar ətrafda yaşayan dinc sakinlər və orada olan polislər üçün təhlükə yaradır”.
* * *00:19
İrəvanda polis polkunu ələ keçirilən üsyançılara dəstək aksiyasına on minlərlə insan gəlib. Xüsusi müxbirimiz Vahan Martirosyan bildirir ki, irimiqyaslı etiraz aksiyası bu dəqiqələrdə Xorenatsi küçəsində davam edir.
Düzdür, Ermənistan polisi əvvəlcədən xəbərdarlıq etmişdi ki, nümayiş keçirməyə cəhd olsa, qarşısı alınacaq. Amma yürüşə qoşulanların sayı, gec olmasına baxmayaraq, hər saat artmaqdadır.
* * *23:15
İrəvanda patrul xidməti alayının binasını zəbt etmiş qiyamçılara dəstək məqsədilə Xorenatsi küçəsində keçirilən aksiyaya toplaşan müxalifət təmsilçiləri Ermənistanın kiçik mərkəzi hesab oluna ərazidə yürüşə başlayıblar.
Virtualaz.org-un xüsusi müxbiri Vahan Martirosyanın bildirdiyinə görə, etirazçılar Milli Təhlükəsizlik Xidmətinin və Ermənistan Polisinin yerləşdiyi Nalbandyan küçəsi ilə hərəkət edərək Respublika Meydanını keçmək və yenidən Xorenatsi küçəsinə qayıtmaq istəyirlər.
** Ermənistanın ən məşhur müğənni və bəstəkarlarından biri Ruben Haqverdyan üsyançıları dəstəkləyib.
Virtualaz.org-un xüsusi müxbiri bildirir ki, R.Haqverdyan deyib: "Mən bir şeyi bilirəm: Serjik Sarkisyanı hakimiyyətə Rusiya xüsusi xidməti gətirib və bu gün də əlindən gələni edir ki, onu postunda saxlasın. Sarkisyan da əvəzində xalqımızı məhv edib, Ermənistanı Rusiyanın poliqonuna çevirmək istəyir”.
* * *21:52
İrəvanda qiyamçılar tərəfindən ələ keçirilmiş polis polku alayı ətrafına içərisində güc strukturlarının xüsusu qüvvələrinin olduğu 5 avtobus gətirilib.
Şahidlər qiyamçılara qarşı xüsusi əməliyyatın keçiriləcəyini istisna etmirlər.
Virtualaz.org-un xüsusi müxbiri Vahan Martirosyanın verdiyi məlumata görə, bu arada Ermənistan Polisinin keçmiş rəhbəri Aşot Manuçaryan sensasiyalı bəyanatla çıxış edib. Onun sözlərinə görə, üsyançılar və hakimiyyət orqanları arasında danışıqlarda vasitəçi Qarabağ separatçılarının keçmiş lideri Arkadi Qukasyan ola bilər.
Erməni polisi də öz növbəsində bəyanat yayaraq xəbərdarlıq edib ki, Xorenatsi küçəsində təkrar mitinqlərə cəhd olsa, buna imkan verməyəcəklər.
* * *19:00
Ermənistan Milli Təhlükəsizlik Xidməti bu dəqiqələrdə xüsusi bəyanat yayıb.
Virtualaz.org-un məlumatına görə, bəyanatda deyilir: "Silahlı qruplaşmanın cinayətkar davranışları getdikcə bütün sərhədləri keçərək daha təhlükəli xarakter alır.
Ermənistan Polisinin patrul-mühafizə alayının binasını nəzarətdə saxlayan silahlı qruplaşma üzvləri yeni cinayətlər törətməməklə bağlı çoxsaylı çağırışların əksinə olaraq hüquq-mühafizə orqanları əməkdaşlarının həyat və sağlamlığına qəsd etməyə, onların əmlakını məhv etməyə davam ediblər. Məhz onların hərəkətlərinin nəticəsi idi ki, iyulun 26-na keçən gecə atışma baş verdi və qan töküldü.
Cinayətkar qrupun niyyətləri və fəaliyyətləri barədə məlumatlı olduğumuz üçün xəbərdarlıq edirik: İnsanların həyat və sağlamlığına olan bütün təhdidlər qanuni cavab tədbirləri ilə dərhal neytrallaşdırılacaq”.
Ermənistan xüsusi xidmət qiyamçılar arasındakı söhbətin səsyazısını da yayıb.
* * *11:00
Bu gecə İrəvanda post-patrul polisi alayının binasını nəzarətdə saxlayan silahlı qrupla atışma baş verib.
Virtualaz.org erməni mənbələrinə istinadən xəbər verir ki, atışma zamanı silahlı qrupun üzvləri Aşot Petrosyan və Ovanes Arutyunyan yaralanıblar, onlar xəstəxanaya aparılıb.
Səhərə yaxın isə silahlıları dəstəkləyənlərdən Artur Sərkisyan avtomobilini ərzaqla dolduraraq polkun ərazisinə daxil olmaq istəyib. Lakin polislər hər tərəfdən onun avtomobilinə atəş açıblar. Buna baxmayaraq Artur yaraqlılara yemək çatdıra bilib.
Virtualaz.org
