2026-cı ildən etibarən bəzi smartfon modelləri təhlükəsizlik yeniləmələrini qəbul etməyəcək.
Aktual.az xəbər verir ki, bu barədə "Nokiamob.net” məlumat yayıb.
Bildirilib ki, "Xiaomi” modelləri arasında ilk olaraq "Xiaomi 12” və "Xiaomi 12 Pro” flaqmanları 2026-cı ilin I rübündə təhlükəsizlik dəstəyindən məhrum olacaqlar. "Xiaomi 12X” və "Xiaomi 12 Lite” modelləri 2026-cı ilin martında, "Xiaomi 12T” və "Xiaomi 12T Pro” isə oktyabr ayında yeniləmələri dayandıracaq.
"Redmi Note 12 Pro+ 5G” və "Note 12 Pro 5G” üçün yeniləmələr 2026-cı ilin oktyabrında, "Redmi Note 12 5G” və "Note 12 4G” üçün isə 2026-cı ilin yazında dayandırılacaq.
"Poco” modelləri arasında "Poco F5” üçün dəstək 2026-cı ilin mayında, "Poco X5 Pro 5G” və "Poco X5 5G” üçün isə 2026-cı ilin birinci rübündə başa çatacaq.
Smartfonlarda tətbiqlər işləməyə davam edəcək. Lakin aylıq və ya rüblük təhlükəsizlik yenilənmələrinin olmaması zərərli proqramlara qarşı onları daha həssas edəcək.