Aktual.az xəbər verir ki, ittiham aktına əsasən, ötən il iyunun 29-da Quba RPŞ-nin əməkdaşları Amsar kənd sakini İlham Aslanovu saxlayıblar. O, izahatında həmin il martın 21-də qarət məqsədi ilə şəhər sakini, 84 yaşlı Gülpəri Musayevanın evinə girməsini, onu iplə boğaraq öldürüb, evdən 103 manat pul aparmasını göstərib. Bundan sonra onun göstərdiyi yerdə qazıntı işi aparılıb və mərhumun meyiti ekskumasiya edilib. 

Hazırlıq iclasında təqsirləndirilən şəxsin anket məlumatları dəqiqləşdirilib, dövlət ittihamçısı cinayət işində bəzi sənədlərlə tanış olmadığını bildirərək, məhkəmədən vaxt istəyib. 

Məhkəmənin hazırlıq iclası martın 15-də davam etdiriləcək.