Bu gün səhər saatlarından başlayaraq "Günəşli" yatağında itkin düşmüş neftçilərin axtarışları yenidən bərpa edilib.
Aktual.az Trend-ə istinadən xəbər verir ki, dekabrın 4-də "Günəşli" yatağında baş vermiş qəza ilə əlaqədar yaradılmış xüsusi qərargahdan verilən məlumata görə, axtarışlarda Fövqəladə Hallar Nazirliyi, Dövlət Sərhəd Xidmətinin şəxsi və texniki heyəti iştirak edir. Ümumilikdə axtarışlara 8 gəmi, 13 helikopter, 1 təyyarə və dalğıclar cəlb edilib.
Qərargahdan qeyd ediblər ki, itkin düşmüş neftçilərin axtarış miqyası daha da genişləndirilib. Xəzər ətrafı qonşu ölkələrə müraciət olunub və həmin ölkələrin sərhəd sularında da axtarışlar aparılır.
