Aktual.az xəbər verir ki, Amerikanın Psixologiya Birliyinin (American Psychological Associationun) dərc etdiyi məqalədə, aparılan araşdırmanın nəticələri qeyd olunub. Tədqiqatda 1519 nəfər iştirak edib.
Alimlər araşdırmalar nəticəsində bu qənaətə gəliblər ki, varlı insanlar qazandığı məbləğin çox və ya az olmasına görə, sevgi, məmnuniyyət, coşqu, mərhəmət, qürur hissi keçirir. Özlərinə olan güvənləri artır.
Sözügedən 1519 nəfərdən bir çoxu "İnsanlar mənə hörmət edəndə özümü çox xoşbəxt hiss edirəm" deyə cavab verib.
Tədqiqat nəticələrinə görə, varlılar üçün xoşbəxtlik kənar şəxslərə məhəl qoymadan, laqeyd şəkildə, yalnız özünə qarşı qayğıkeş olmaq, qürur və özündən razılıq deməkdir.
Onlarla müqayisədə daha az gəlir əldə edən insanlar isə, insanlarla ünsiyyət zamanı, xeyirxah işlərə vəsilə olduqlarında, özlərini xoşbəxt hiss etdiklərini bildiriblər. (publika.az)