Azərbaycanda tələbələrə kreditlərin ayrılması ilə bağlı problemlər mövcuddur.

Aktual.az  Trend-ə istinadən bildirir ki, bunu Milli Məclisin payız sessiyasının bu gün keçirilən ilk iclasında parlamentin Müdafiə, təhlükəsizlik və korrupsiya ilə mübarizə komitəsinin sədr müaviniAydın Mirzəzadə bildirib.

YAP-çı deputat deyib ki, bir müddət əvvəl Azərbaycanda Tələbə Kredit Fondu yaradılsa da, ancaq təəssüflər olsun ki, bu quruma cəmi 11 universitet üzv olub: "Bu da müəyyən problemlər yaradır. Bu sahədə problemlər tam həllini tapmayıb. Valideynlər narazılıq edirlər, universitetlərin bir hissəsi Tələbə Kredit Fonduna üzv olmayıb. Düşünürəm ki, tələbələrin bu problemi həll edilməlidir".