Ukraynanın ən yaxşı təchiz edilmiş və ən sürətli briqadalarından olan 80-ci Hava Hücum Briqadası Kursk vilayətində döyüşlərə qatılıb.
Aktual.az  xəbər verir ki, bu barədə "Forbes” məlumat yayıb.
Məlumata görə, sosial şəbəkələrdə yayılan videoda T-64BV və ya T-80BV tankı, UR-77 mühəndis maşını, həmçinin PDM (BTR-80) və Amerika istehsalı "Stryker” təkərli transportyorları Ukrayna minaatan briqadasının yanından keçir:
"Kontekstdən aydın olur ki, video Ukraynanın Rusiya mövqelərinə qarşı ciddi hücumunun ilk anlarını əks etdirir. Keçmiş sovet və keçmiş Amerika maşınlarının belə kombinasiyası yalnız 80-ci Hava Hücum Briqadasında mövcuddur. Ən yaxşı Ukrayna briqadalarından biri olan 80-ci Hava Hücumu Briqadasının iştirakı Kursk bölgəsini ələ keçirmək əməliyyatının miqyasını göstərir”.
Nəşr bildirib ki, Ukraynanın hazırkı əməliyyatı digərlərindən fərqlidir:
"Burda hər birində 2000-ə qədər əsgərdən ibarət ən azı üç briqada iştirak edir: 22-ci və 88-ci mexanikləşdirilmiş briqadalar və 80-ci Hava Hücumu Briqadası”.