Ukrayna Avropa İttifaqından təxminən 2,3 milyard avro maliyyə vəsaiti alıb.
Aktual.az xəbər verir ki, bu barədə Ukrayna Maliyyə Nazirliyinin açıqlamasında məlumat yayılıb.
Açıqlamada deyilir ki, Ukraynanın dövlət büdcəsinə ”Ukraine Facility” maliyyə aləti çərçivəsində Avropa İttifaqından 2,3 milyard avro daxil olub. Bunun 2,1 milyard avrosu kredit, 200 milyon avrosu isə qrant vəsaitidir.
Bildirilir ki, ayrılan vəsait dövlətin prioritet sosial və humanitar xərclərinin maliyyələşdirilməsinə yönəldiləcək.