"Blumberq” agentliyi Rusiya prezidentinin köməkçisi Yuri Uşakovla ABŞ prezidentinin xüsusi nümayəndəsi Stiven Uitkoff arasında telefon danışığının, eləcə də Uşakovla Putinin xüsusi nümayəndəsi Kirill Dmitriyev arasında ayrıca söhbətin transkriptlərini dərc edib. Danışıq 14 və 29 oktyabr tarixlərində baş tutub, müzakirələr ABŞ Prezidenti Donald Trampa Ukrayna üçün sülh planı layihəsinin necə təqdim edilməsi, hansı ifadələrdən istifadə edilməsi və Moskva üçün ən əlverişli mövqeyi təmin etmək məqsədilə diplomatik tonun necə tətbiq edilməsi ilə bağlı olub.
Aktual.az xəbər verir ki, telefon söhbətlərinin transkriptləri tam və redaktə edilməmiş şəkildə təqdim olunub:
Uitkoff: Salam, Yuri.
Uşakov: Bəli, Stiven, salam, necəsən?
Uitkoff: Yaxşı, Yuri. Necəsən?
Uşakov: Yaxşı. Təbrik edirəm, dostum.
Uitkoff: Təşəkkürlər.
Uşakov: Əla iş gördünüz. Tamamilə əla iş. Çox sağ ol. Təşəkkür edirəm, təşəkkür edirəm.
Uitkoff: Təşəkkür edirəm, Yuri və dəstəyiniz üçün təşəkkür edirəm. Bilirəm ki, ölkəniz bunu dəstəklədi və mən buna görə minnətdaram.
Uşakov: Bəli, bəli, bəli. Bəli. Bilirsiniz ki, məhz buna görə də ilk Rusiya-Ərəb sammitinin təşkilini dayandırdıq.
Uitkoff: Bəli.
Uşakov: Bəli, çünki biz inanırıq ki, siz regionda real işlər görürsünüz.
Uitkoff: Yaxşı, qulaq as. Düşünürəm ki, Rusiya ilə Ukrayna arasındakı bu vəziyyəti həll edə bilsək, hamı sevincdən tullanacaq.
Uşakov: Bəli, bəli, bəli. Bəli, amma sadəcə bir problemi həll etməliyik. (gülür)
Uitkoff: Hansını?
Uşakov: Rusiya-Ukrayna müharibəsini.
Uitkoff: Bilirəm! Bəs bunu necə həll edək?
Uşakov: Dostum, sadəcə məsləhət almaq istəyirəm. Sizcə, rəhbərlərimizin telefonla danışması faydalı olardı?
Uitkoff: Bəli, elə düşünürəm.
Uşakov: Başa düşdüm. Sizcə, bu nə vaxt təşkil oluna bilər?
Uitkoff: Düşünürəm ki, siz təklif edən kimi rəhbərim hazır olacaq.
Uşakov: Yaxşı, yaxşı.
Uitkoff: Yuri, Yuri, mən də belə edərdim. Mənim tövsiyəm belədir.
Uşakov: Bəli, buyur.
Uitkoff: Sadəcə olaraq, prezidenti bu nailiyyət münasibətilə təbrik etdiyinizi, onu dəstəklədiyinizi, sülhsevər bir insan kimi ona hörmət etdiyinizi və işinin nəticələrindən məmnun olduğunuzu xatırlatmaq üçün zəng edərdim. Mən buna belə yanaşardım. Düşünürəm ki, bu, çox yaxşı bir zəng olardı. Çünki... prezidentə dediklərimi sizə deyim. Prezidentə dedim ki, siz... Rusiya Federasiyası həmişə sülh sazişi istəyib. Buna inanıram. Prezidentə də buna inandığımı dedim. Düşünürəm ki, problem ondadır ki, iki ölkəmiz kompromisə getməkdə çətinlik çəkir, amma bunu etdikdən sonra sülh yaranacaq. Hətta düşünürəm ki, Qəzza üçün hazırladığımız kimi, 20 bəndlik bir sülh planı da hazırlaya bilərik. Trampın 20 bəndlik, sülhə doğru 20 addım planını hazırladıq və düşünürəm ki, sizinlə də eyni şeyi edə bilərik. Mənim fikrim budur ki...
Uşakov: Yaxşı, yaxşı, dostum. Düşünürəm ki, liderlərimizin müzakirə edə biləcəyi məsələ məhz budur. Hey, Stiven, səninlə razıyam ki, o, sizi təbrik edəcək, cənab Trampın əsl sülhməramlı olduğunu deyəcək və sair. O, bunu deyəcək.
Uitkoff: Amma düşünürəm ki, əla işləyəcək başqa bir şey də var.
Uşakov: Yaxşı, yaxşı.
Uitkoff: Bəs əgər... bəs əgər... qulaq asın...
Uşakov: Bunu müdirimlə müzakirə edəcəyəm, sonra sizə cavab verəcəyəm. Yaxşı?
Uitkoff: Bəli, dediklərimə qulaq asın. Sadəcə deməyinizi istəyirəm - bəlkə də bunu prezident Putinə deməlisiniz, çünki bilirsiniz ki, mənim Putinə sonsuz hörmətim var.
Uşakov: Bəli, bəli.
Uitkioff: Bəlkə də o, prezident Trampa deməlidir: Bilirsiniz, Stiven və Yuri çox oxşar 20 bəndlik sülh planını müzakirə edib və bu kimi şeylər vəziyyətin irəliləməsinə kömək edəcək, bu cür şeylərə - sülh üçün lazım olanlar üzərində işləməyə açığıq. Öz aramızda sülhün nə üçün lazım olduğunu başa düşürəm: Donetsk və bəlkə də başqa ərazilərin mübadiləsi. Amma qulaq asın: bu cür danışmaq əvəzinə, daha nikbin danışaq, çünki düşünürəm ki, beləcə razılığa gələcəyik. Düşünürəm ki, Yuri, prezident mənə razılığa gəlmək üçün çoxlu imkan və səlahiyyət verəcək.
Uşakov: Başa düşürəm...
Uitkoff: ...əgər bundan sonra Yuri ilə danışıb (planı) müzakirə etdiyim bir vəziyyət yaratsaq, düşünürəm ki, bu, ciddi irəliləyişlərə səbəb ola bilər.
Uşakov: Yaxşı, yaxşı səslənir. Əla.
Uitkoff: Və bir şey də var: Zelenski cümə günü Ağ Evdə olacaq.
Uşakov: Bilirəm. (gülür)
Uitkoff: Bu görüşə gedəcəyəm, çünki onlar mənim orada olmağımı istəyirlər, amma düşünürəm ki, mümkünsə, bu görüşdən əvvəl rəhbərinizlə telefon görüş təyin etməyiniz yaxşı olardı..
Uşakov: Əvvəl, əvvəl — bəli?
Uitkoff: Düzdür.
Uşakov: Yaxşı, yaxşı. Məsləhətinizi başa düşürəm. Bunu rəhbərimlə müzakirə edib sizə cavab verəcəyəm, yaxşı?
Uitkoff: Yaxşı, Yuri, tezliklə görüşənədək.
Uşakov: Əla, əla. Çox sağ olun. Təşəkkür edirəm.
Uitkoff: Sağ olun.
Uşakov: Sağ olun.
Uşakov və Dmitriyev arasındakı söhbətin transkripti (29 oktyabr 2025):
Uşakov: Alo.
Dmitriyev: Yuri Viktoroviç.
Uşakov: Bəli, Kirill Aleksandroviç, mən hər şeyi ora göndərdim. Sabah orada danışarıq.
Dmitriyev: Əla, əla. Bəli, bəli, bəli. Səudiyyə Ərəbistanına uçdum, amma düşünürəm ki, bu, çox vacibdir, bəli, çünki bu, irəliyə doğru çox yaxşı bir yoldur.
Uşakov: Yəqin ki, maksimuma ehtiyacımız var, sizcə? Bəs burada nə demək olar?
Dmitriyev: Xeyr, baxın. Düşünürəm ki, biz bu sənədi sanki öz mövqeyimiz kimi hazırlayacağıq və mən sadəcə qeyri-rəsmi şəkildə bütün bunların qeyri-rəsmi olduğunu bildirəcəyəm. Qoy bunu özləri etsinlər. Amma düşünürəm ki, onlar bizim dəqiq versiyamızı götürməyəcəklər, amma heç olmasa mümkün qədər ona yaxın versiyanı götürəcəklər.
Uşakov: Məsələ burasındadır, bəlkə də qəbul etməyə bilərlər, amma deyəcəklər ki, bu, bizimlə razılaşdırılıb. Mən də elə bundan qorxuram.
Dmitriyev: Xeyr, xeyr, xeyr. Bu, şübhəsiz ki, mən sizinlə bir yerdə olacam, özbəsöz necə desəniz, mən də elə deyəcəyəm.
Uşakov: Onlar sonradan hər şeyi dəyişə bilərlər. Belə bir təhlükə var. Var. Nə isə, fərq etməz. Görərik.
Dmitriyev: Bəli, düşünürəm ki, sadəcə... Və sonra bu sənəd barədə Stivenlə də danışa bilərsiniz. Ona görə də bunu diqqətlə edəcəyik.
Uşakov: Anlaşılmaz
Dmitriyev: Çox sağ olun, Yuri Viktoroviç. Çox sağ olun. Təşəkkür edirəm. Sağ olun.