Həbsdəki tanışına kartofun içində narkotik aparmaq istəyən şəxs saxlanılıb.
Penitensiat xidmətdən Aktual.az-a verilən məlumata görə, Bakı istintaq təcridxanasına narkotik maddə keçirmək cəhdinin qarşısı alınıb.
Təcridxanada saxlanılan, Cinayət Məcəlləsinin 234.1 maddəsi ilə azadlıqdan məhrum edilmiş Emin Əliyevin yanına sovqat gətirən Orucəli Məmmədov adlı şəxsin gətirdiyi sovqata baxış keçirilib. Baxış zamanı bir ədəd kartofun içərisinə kustar üsulla yerləşdirilmiş bir ədəd sellofana bükülmüş xalis çəkisi 1,27 qram olan narkotik vasitə - marixuana aşkar edilib.
Fakt üzrə araşdırma aparılır.
