AzVision.az-ın "RİA Novosti”yə istinadən verdiyi xəbərə görə, bu barədə Türkmənistan XİN-i məlumat yayıb. Qeyd olunub ki, İran Milli Qaz Şirkəti son üç il ərzində tədarük olunan türkmən qazına görə yaranmış borcun ödənilməsində lazımi səylər göstərmir. 

XİN-nin xəbərdarlığında bildirilib ki, 2016-cı il ərzində İran tərəfi qaz tədarükünün dayandırıla biləcəyi barədə rəsmi qaydada dəfələrlə məlumatlandırılıb:

`Türkmənistanın konstruktiv təşəbbüsləribə qarşı İran Milli qaz şirkətinin müsbət reaksiyasının olmaması, qarşılıqlı məqbul həll variantının tapılmasında passivliİk 1 yanvar 2017-ci ildən İrana türkmən təbii qazının nəqlinin məhdudlaşdırılmasına gətirib çıxarıb`.

Türkmənistan həmçinin İrana qaz tədarükünün məhdudlaşdırılması məsələsini siyasiləşdirməməyə çağırıb.